Oh Bambin, oh Bambin
portme almenu dui mandarin,
e se ‘l man sun nen trop pin-e
portme cò due nisurin-e.
Madunina, Madunina
fa che i sia a pansa pin-a
per le mie set masnò
che i l’an j’oei pi gros che a buca.
San Giusep, San Giusep
ti che t’ai a borba bianca
portme cò na bun-a sampa
che a mia l’è bele stanca.
Giuanin, Giuanin
tirie ‘l col a cul sbraiass
che a quatrure d’a matin
un ribalta giù da u gias.
Che a Natal e s’lu mangiuma
cun na buta e na mesa tuma,
a la ghigna ed cui sgnurun
chi s’angausiu ‘d panetun.
Catlinin, Catlinin
tira fora cui midandun
che si l’aira a spusia ‘d brusch
e ‘l ciapose stan a ‘l fresch.
Oh matote, oh matote
fé nen tan el ferlingote
deve n’andi a plé ‘s patote
che a nona a veu fé i gnoc.
Matutin, Matutin
deme nen tanti sagrin,
bitè un poca ed cunision
feme nen girè i cujun.
E ti Gnese a pi cita
che t’ai pen-a durbì j’oei,
riva lesta a disdot agn
che ‘t mariuma con Giuan,
cu cumpis dui agn duman.
Oh Bambin, oh Bambin
se sun custe trope cose
fòne ti na giusta dose,
e se propi et veuli deme bute
portme almenu an po’ ‘d salute.
E vuiotri brau cristian
che lesivi a mia urasion
feve nen tanti castei:
che a furtun-na è nen mac borgna
ma cheic vote ai sent con nen.
Graziella Culasso